recent
أخبار ساخنة

رحلة كورونا داخل اجسادنا

الفيروس اللعين كورونا الذي يجتاح العالم حاليا سيظل بة علامات استفهام كثيرة جدا سنتكلم عن بعضها

خلينا نبدأ بحاجه مهمة وهي الاعراض اللي بتحصل للمصاب بفيروس كورونا افهم اللي جاي كويس 

المناعة بتاعتنا لما بتواجه أى ميكروب او فيروس لأول مرة بتنشأ معركة شديدة بينها وبين هذا الميكروب ...ونتيجة لتلك المعركة بترتفع درجة حرارة الجسم ...يعنى ارتفاع درجة الحرارة بيكون شئ طبيعى جدا فى حالة الاصابة بأى بكتيريا او فيروس...ودا بسبب نشاط الجهاز المناعى بتاعنا فى مواجهة هذا الميكروب سواء كان كورونا او غيره ...دا حتى طفلك لما بياخد تطعيم بتلاقى جسمه بيسخن
ودا شئ طبيعى جدا وبيخلينا نطمن اكتر ان مناعة الطفل بدأت تشتغل ...نفهم من كدة ان ارتفاع درجة الحرارة عند الاصابة بفيروس كورونا حاجة طبيعية جدا بتحصلنا حتى لما بنصاب بفيروس الانفلونزا .....فما فيش شئ جديد حصل يعنى....
- طبعا العدوى الفيروسية بتستنزف الجهاز المناعى بتاعنا اثناء حربه ضد الفيروس ....ودا بقى بيدى فرصة كبيرة للبكتيريا انها تستغل وضع حالة الحرب فى انها تقوم باختراق المناطق الحيوية بالجسم للقيام بأعمال تخريبية...زى الحلق ...وبتبدأ تظهر على الشخص أعراض التهاب الحلق والزور والكحة...وهو ده اللى بيحصل فى حالة الاصابة بفيروس كورونا او الانفلونزا....خلاصة تلك المعركة ان الفيروس بيكمل دورة حياته فى صراع مع الجهاز المناعى وبينتصر فيها الجهاز المناعى فى نهاية المطاف وبيتم القضاء على الفيروس ودى اللى بنسميها فى علم المناعة بالacquired immunity
او المناعة المكتسبة ...يعنى ببساطة شديدة ..ان حضرتك طول ما انت عايش ...جسمك بيقابل فيروسات وبكتيريا لاول مرة ...ف ربنا سبحانه وتعالى صمم جهازك المناعى بحيث انه يتعامل مع اشرس الفيروسات والبكتيريا ويقوم بالقضاء عليها....ولذلك هتلاقى الاطفال دايما بيجيلهم دور سخونية وبيتعبو كتير على فترات متقاربة ....ودا طبيعى جدا ...لان جسم الطفل بيتعرض لبكتيريا وفيروسات لأول مرة ف حياته ...وف كل مرة بيواجه فيها ميكروب بتدور حرب بينه وبين الجهاز المناعى بينتج عنها ارتفاع فى درجة الحرارة
- واللى يقولى ان مناعة الاطفال ضعيفة يبقى كداب كدب الابل ...لان الفرق بين مناعة الطفل والشخص البالغ ...ان الشخص البالغ مناعته تعرفت على انواع واشكال عديدة من الفيروسات والبكتيريا ( خبرة يعنى)
وقامت بتصنيع اجسام مضادة لها للتحصن ضد تلك الميكروبات فى حال معاودة هجومها على الجسم .
اما مناعة الطفل ..ف لسة بقى بتتعرف على حاجات بتشوفها لاول مرة ف حياتها .. وف كل مرة بتدور حرب طاحنة ينتج عنها الاعراض المتعارف عليها كالسخونية.

انتظرو المزيد 
google-playkhamsatmostaqltradent